正在加载最新数据，请稍等......
哈化柏林「主勝」執到笑聖巴特里冇料扮代表
来源:互联网 人气:0 时间:2008-9-16
16/09/2008
文： 走肖
一加一，威力可能超過二，哈化柏林今晚歐協盃第一圈首回合主場迎戰聖巴特里，就有「東歐雙劍」禾路連、彭迪歷首次歐洲賽合作數胡，隨時大爆發上演入球騷開1.52倍「讓球主勝」，對家聖巴特里係愛爾蘭球隊，老細又唔捨得使錢買球員，作客想偷雞冇咁易！（開賽時間：周三凌晨0:00）
坦白講，近年哈化都幾霉，冇能力花大錢買球員，開季前仲有巴西國腳明尼路離隊，但佢始終係德國首都大會，賣名氣都吸引到球星加盟，好似被利物浦投閒置散射手禾路連，就願意以借用形式加盟，佢以前踢過利華古遜、科隆、緬恩斯同慕遜加柏，熟晒德甲球隊路數，又識講德文，能夠火速融入球隊。
禾路連彭迪歷夠合拍
事實上，哈化上周六主場對禾夫斯堡，禾路連首次上陣就踢足全場，雖然佢冇入波，但同塞爾維亞前鋒彭迪歷合作得唔錯，原因可能係佢兩個踢德甲球隊特醒，禾路連試過為利華古遜攻入十五個聯賽入球，彭迪歷上季就為哈化貢獻十三個入波，既然哈化開季五場主場有兩勝三和，呢鋪應該可以笑住執個「主勝」。
至於上季愛爾蘭聯賽亞軍聖巴特里，老細麥當尼爾據聞係富豪，講過話用五千萬鎊（約六億九千四百四十七萬港元）改造主場設施，表面睇大把貨，但實情係，目前聖巴特里個主場容量係五千五百人，較有名氣係新加盟波蘭中場比亞歷克，餘下外援分別來自威爾斯同美國，有幾多料心照，擺到明未夠班，麥當尼爾得把口，想捧佢要諗清楚
上一篇下一篇
推荐精料
