正在加载最新数据，请稍等......
車路士今晚大晒！鐵3角火開殺戒
来源:互联网 人气:0 时间:2008-9-16
16/09/2008
文： 章歷治
車路士同波爾多a組碰頭，「大」戰在所難免！藍戰士上仗殺敗曼城，展現出強大攻擊力，今晚佢撞正跌晒watt波爾多，一於捧車仔1.83倍「讓球主勝」！（now670台及廣東體育周三凌晨2:45直播）
波爾多作客腳軟
歐聯同歐協盃相繼開戰，連續三晚捱眼睇波日子又來臨，雖然諗起都辛苦，不過冇計啦，一來自己鍾意睇波，二來食得呢行飯，點都要「做功課」報答各位讀者。講番車路士，依家佢英超暫時三勝一和，呢四場波入面，藍戰士展現出強大攻擊力，由迪高、林柏特同安歷卡組成鐵三角，暫時每人入兩球，杜奧巴今仗停賽，對車仔攻擊力根本冇影響。
對家波爾多表現跌watt，呢支上季法甲亞軍至今作客兩戰全敗，今仗仲要有兩員後防大將查爾美同泰莫連拿斯齊齊停賽，今鋪作客出戰如狼似虎藍戰士，想唔輸睇怕冇乜可能，靠狀態唔錯卡雲拿基破蛋都仲有機。車仔個「讓球主勝」點都要捧啦，貪心，就玩埋個1.85倍「入球大」博雙贏啦！
上一篇下一篇
推荐精料
热门导读
